D Fasnacht 2017 isch scho lang verbyy

Dass d Fasnacht 2017 Gschicht isch, waiss e Jeede. Heerrlig isch sy gsi...

und mr hän lang kenne zeere drvo!

Lueg doch emol bym "Luege und Loose" dryy....

Mummeschanz und Dootedanz 2016

Z Basel sait me allewyl, dass d Fasnacht und dr Doot Hand in Hand geehn.

Au im 2016 isch dr "Schnitter" by mänggem Fasnächtler an dr Diire go bebberle!

...Und är het e mängge aggtyyve Fasnächtler zu sich in Himmel gnoh.

Dass drunter au Bänggler gsi sin (egaal vo wellere befrindete Bänggler-Organysatioon),

erschitteret bsunders d "Bänggler-Fraggtioon" vom C-1914!

Us Grind vom "Perseenligkaitsschutz" und us Ruggsicht uff d Famylie, verzichte mr uff e Naamenslyschte.

Mr laade aber drzue yy, e kurze Momänt an ally Fasnächtler z dängge, wo an dr BaFa17 nimmy wärde kenne

drbyy syy!

ABER: Mr derfe d Gwisshait ha, ass all die "Ehemoolyge" wärde zämme mit unserem Grindygs-Vatter Karli e riise

Plausch im Fasnachtshimmel ha!

 

Oder, wie e bekannte Basler Autor emol gsait het:

"Fir e Bebbi git s kai Doodesdaag! :

S git bis in d Eewygkait nur "DR Vieri-Schlaag!" "

 

heebet s guet, lieby Frinde!

 

D Fasnacht 2016

D Fasnacht 2016 khame als isserscht glungeny Fasnacht aaluege.

Sämtligy Mitgliider vom C-1914 - uss de verschiidenschte Schparte - hän die Dääg kenne gniesse.

S Wätter het mitgschpiilt, d Schtimmyg by de Lyt isch heerlig gsi und d Fasnächtler hän d Frindschaft unterenander pfläggt, wie no sälte.

Dass sich d C-1914-er-Mitgliider an dääre Fasncht efters iber e Wääg gloffe sin uff dr Pyschte, isch e raine Zuefall.

Aber e scheene! S het e mänggy Begeegnyg gää, wo e weeneli lenger duurt het, als die "normaaly" Pausezyt.

Dass by de verschidene Bänggler-Schluss-Eebe vo de befrinedete Organisatioone au C-1914-Bängg uffträtte hän derfe,

eehrt ys sehr. S isch allewyl e Fraid, wenn unsery Spitze-Bängg by unsere Frinde derfe mitmache.

Ai glayne Wermuetstropfe hets kha: Am Zyschtygspryys, het  kai C-1914-Bangg gwunne....

Aber immerhin hän "d Gryysel" (e uns frindschaftlig verbundene Bangg) dr 2.y Pryys gholt! ...

Und dass me unsery liebe Frinde, TamTam, usserkoore het, genne mr dääne baide "Schnuury vom Dienscht" härzligscht!

Denn ihre Ufftritt mit "Sache" schtatt mit "Helge" isch legendäär! S kennt e C-1914-Idee syy! :-)

 

 

GV im Jänner 2016

Am 19. Jänner isches wider esowytt gsi: S C-1914 het sich bym Irtemaischter Seppi zur alljäährlige GV troffe.

Dass derte die neiy Blaggedde zum Verkauf kho isch, isch e riise Gligg, fir jeede Fasnächtler!

Denn das Blääch isch gschtalterisch e maischterlige Wurf!

(s wird zwor Lyt gäh, wo sich dummle, bis sy die Noodle wägem Brinzli-Waggis an s Röveer hängge dien.... Me kennt jo als "Sitz-Brinzler" woohrgnoo wärde... Aber wenn me das nimm derf?!?!).

D Traktande sin zigyg iber d Schtadthoof-Biihny gange.

Unter "Divärsem" isch no e (C-1914-typpysch inszenierte) Dyschput loosgange, wo Bezug gnoo het zu dääre Houmpeitsch.

Ganz im Sinn vom Grindervatter het me miteme Augezwinggere driber "gschtritte", wie d Houmpeitsch kennty aggtueller wärde...

Dr Sanideets-Dyräggter vom C-1914 het drmit erraicht, dass dr Web-maaschter-Schtellverdrätter sythär mit Informatioone zuepouschtet wird! ...Und dr Resseler-IG isch dr root Debbyg ussgleggt worde, zem ihres glai-härzyg Schääse-Byschuuli an Maa und au d Frau z bringe. Hejo...25 Joohr IG-Chaise isch denn schono e Laischtyg!

Dass bym abschliessende Seppi-Wurschtsalat-mega-speziaal ally ai Härz und ai Seel gsi sin, isch kurz erklärt:

Me isch e Familie!.... und au bym Schtrytte isch klar: Wenn me das nimm darf?!

 

 

Vorsinge 2016

Am 5. Jänner het sich e Hampfle C-1914-Bängg zum traditionelle

„Vorsinge“ droffe. Im Wyyhotel im Glaybasel isch d Poscht abgange.

By de Vorträäg het sich zaigt, dass dr Joohrgang 2016 wie allewyyl

solyyd drhär kho wird.

Ebbs denn e „Schpitzejoohrgang“ wird, entschaidet soowysoo s

Publykum an dr Fasnacht.

Sicher isch aber, dass an däm Oobe dr Laade lang nid aabe gangen isch!

Me het gfeschtet, gsirpflet und glacht, wie s syt 1914 Usus isch.

Dass dr Aint oder Ander dicht gmacht haig, isch e Grücht! …ABER:

dichtet het s!

Doo no dr Bricht vom Rolf Zwicky, wo live drbyy gsi isch:

 

Mit Ussnahm vo den Antiquierte (feriehalber) und em Bangg-Ghaimnis sin alli Bäng vom C1914 verträtte gsi.

Als Ehremitglieder sin wie letscht Johr au d Gryysel aaträtte und denn hämmer no Bsuech vo Gescht gha: d Hinderbänggler als neyi Kandidate firs C1914 hän sich afe ne emoll gsanglig und värslig vorgstellt - viellicht gits jo ne Zuagang ufs 2017 - das isch no offe.

Es hän alle der eint oder ander Bangg scho barat ka, am wytschte sin natürlig d Gwäägi - die föhn au am näggschte Meednig scho aa und sälbverständlig au d Ständerlampe, wo so gege 40 Värs bereits in peto het. 

Die erschti Beurteilig: S het gnue Theme und Sujets für e guete Johrgang 2016. Die eine oder andere mien nomoll mit em fiechte Tiechli iber d Värs aber mir sin alli sehr zueversichtlig, as au das Johr mit ere guete C1914 "Performance" ka grächnet wärde.

Näbe Bangg-Technischem isch natürlig au der gmeitligi Teil nit z kurz koh: Usser: Durch e gleineri Fählyyschätzig sytens vo de n Organisatore isch der Platz ebbis gar knapp und s Fondue ebbis gar dünn worde. Drefür isch es so guet gsi, dass sich trotzdäm alli am düngglete Brot der Buuch hän kenne fille.

E guete n Obe isch allewyl gsi und wemmer so wytermache, denn mien mer firs näggschte Johr e grösseri Lokalität aamiete.

 

 

Fasnacht 2015

Es war für alle C-1914er keine Fasnacht, wie gewohnt!

Der Tod unseres Gründungsvaters Karli, hat alle berührt! - weit über die C-1914-Grenzen hinaus!

(An manchem Wagen erinnerte ein Detail an Karli!.... D Bängg vom C-1914 trugen eine schwarze Striggete-Kugel, etliche "andere Bängg" trugen am Goschdym Trauerflor und beim Schlussabend der "IG WuF" brannte für Karli eine Kerze!)...

Dennoch haben wir ALLES gegeben! Ganz nach dem Motto (und im Fasnachtsgeist von Karli): Jetzt erscht rächt!

D Gwäägi, traten in neuer Formation auf und übertrafen sich selber... Sie seien aber nur als Beispiel genannt....

Denn alle Formationen waren einmal mehr GENIAL!

(Dass sich die Antiquierten anlässlich ihres 30-Jahrjubiläums von "Mario vonne Diefebaueamte" vertreten liessen, möchte das C-1914 an dieser Stelle entschuldigen!. Wobei... es war kein Verlust! :-)  )

 

Erfreulich war 2015, dass etliche Chääse des C-1914 im SRF-Querschnitt und der Zeedellääsedete zitiert wurden!

Dass unsere internen Gugge zu überzeugen wussten, muss gar nicht erst erwähnt werden!

 

 

GV Jänner 2015

Am 27.1.2015 begrüsste der Vorstand des C1914 die Mitglieder in den historisch-heiligen Hallen des Stadthofs zu Basel.

Es konnte in diesem Rahmen die neue Blaggedde zum Vorzugspreis an die Anwesenden abgegeben werden.

Dank der vorbildlichen Vorarbeit des Vorstands konnte die GV im Schnellzugstempo abgehalten werden, was dem vereinsinternen Schwerpunkt der Geselligkeit sehr entgegengekommen ist!

Das diesbezügliche GV-Protokoll kann direkt beim Vize-Obmann bestellt werden. Online-Anfragen haben über den Link "Kontakt" zu erfolgen.

Dass im Fasnachts-Jahre 2015 (also im Jahr nach der Neudefinition des ehemaligen C2000) von Seiten des C1914 wiederholt mit vielen originellen Überraschungen zu rechnen ist, steht ausser Frage! ...ist es doch das bekennende Ziel des C1914, für eine lebendige und Lust-betonte Fasnacht Basels einzustehen!

 

 

Zyschtygspryys Merz 2014

Das Comité 1914 gratuliert den "Muulwirf" zum Sieg!

"Wir sind stolz, den Lorbeerkranz der Bänggler-Olympiade auf dem Haupt eines "unsrigen" zu wissen."!

Besonders berührend dabei ist, dass mit dem Sieg der Muulwirf einmal mehr das Comité 1914 (ehemals C 2000)  in beispielloser Ehrbarkeit die "ursprüngliche" Bängglertradition aufrecht zu erhalten weiss!

 

Sepplete 9. Merz 2014

Im Grindygslokal vom doozumoolyge Comité 1914 isch die erschty Vorfasnachtsveraaschtaltyg iber d Biihny gange.

Fasnachtsmusik, Rahmeschtiggli und e groossy Hampfle Bängg sin im "Stadthof" präsendiert worde.

Dass e jeede (!) C1914er-Bangg trotz Vorfasnachts-Schtress unserem Irte-Maischter Sepp isch kho d Reveränz erwyyse, zaigt ys aimol meh, was dr Begriff 'Fasnachts-Familie' bedytte kha!

 

Zum Programm:

Eb jetzt e ungattligi Fasnachts-Familie-Sytuatioon oder e 'gnärvte' Zeedeldichter zu Wort kho isch, het dr Basler Daigg nid drvor gschitzt, duur e Gaggo z zooge z wärde...

Dass es pfyffendy und ruessendy Bänggler git, isch au numme im C 1914 meeglig.

Und dass bym Chor fir e Epilog grad Sängerknabe vo 4 (!) verschidene Bängglerformatione zum Yysatz kho sin, derft au e Wältpremiere syy!... Und dass die esoo heerlig harmoniert hän, het s Publikum iberzyyge kenne... (Dass die verschiidene Bänggler alles C1914-er sin, zaigt, dass es au gmainsam gooht und nid allewyl uff Konkutrränz uuselauft!)

 

D 'Highlander' - als "Gugge" - hän musikaalysch e schuuryg scheene Debbyg glait, wo d Hiener-hutt garantiert gsi isch...

 

E glungene Aaloss! .... Isch s 2015 scho plaant?

 

 

Aabrennte-Schtubede (9.3.2014)

Wenn in dr Kasärne s Volgg muess uff dr Schtääge sitze und d Schnitzelbänggler Schlange schteehn, denn isch es "Aabrennte-Stubete"-Zyt!

Aimol meh hän d C1914er-Aabrennte e sauglatte Oobe uff d Bai gschtellt!

 

Super organiysiert, isch ai Bangg noonem Andere yygloffe.... und zwar au Comiteeler und andery: Das isch Bänggler-Integratioon und vorallem gläbty Fasnacht! ..... Gäbts e Fasnachts-Friidens-Nobäll-Pryys, die Aabrennte wurdenen bykho!